正人正事: 11

2011年4月25日

入選了

皓皓的學校將於今年舉辦第一届合唱團，所有Ｋ２學生可以回校試音，由外面的老師評審後，才可加入接受免費訓練，是免費啊！

當日放工回家問他試音如何，他支吾以對，爺爺細聲說原來他一邊唱歌一邊忍唔住ＸＸ了，褲當然濕透！

後來我問他為何會這樣呢，他說當時好緊張，又輪到佢，所以唔夠時間去厠所．．．我．．沒有責怪他，還告訴他ＸＸ是差不多每個小朋友都試過的事，包括他爸爸．．．（爸爸常不幸地成為故事中的主角，呵呵！）

知道這事後，立即把入選合唱團這事拋諸腦後．之前曾經滿懷希望，因為他在學校已參加過訓練和比賽．

人生就是這樣曲折，在毫無期望下，收到學校給皓皓的入選信，由五月開始逢星期四回校練歌，又要麻煩爺爺嫲嫲接送了！

我們有理由相信皓皓應該唱得不錯，如果不是，早就出局了！

自從他唱歌後，他對自己的歌聲開始有自信，令他感到最自豪的是連哥哥也跟他學唱歌！

2011年4月24日

音樂會

假期有兒童音樂會，同學媽咪幫忙訂票，今次是港樂 X Harry哥哥！兩星期前訂已爆滿，好在後來有加場！

為小朋友而設的音樂會，全場都是小朋友，大人．．．只是陪去而已！

一齊坐定定等開場

說起來有點諷刺，想想如果今次是一個純樂團演奏，會否幾場爆滿呢，莫說要加場！但如果一個演奏會加入了一丁點小朋友的元素，嘩．嘩．．不得了，要撲飛！要加場！

香港管弦樂團很專業的在演奏，台前的小朋友很可愛的在表演，其實有點格格不入，不知演奏的人心裡在想甚麼？

無論如何，這是一個很好推廣管弦樂的渠道，至少讓更多人接觸到音樂．．．也是一件正面的事．

散場，變返馬騮

開心，好簡單，有人一齊玩就得

一齊食個早飯，未有人客，馬騮們隨處跑

順德菜，正！

2011年4月20日

兩兄弟的同學聚會

皓皓的同學仔家長們真是很有心有力，又有活動了．

一共六個家庭，齊聚集在Summer家，吃喝玩樂．

我們打完棒球才到，一去到，皓皓已投入玩．

皓皓做咩呢？

佢話唔開心，因為其他小朋友推跌了他正在玩的玩具．

成個”唔開心”樣話晒俾人知囉．．．

人哋問佢做咩嘢，佢就好委屈咁講，然後大滴大滴眼淚流，

要爸爸出手．．．．

至於哥哥去咗邊呢？
有得揀，哥哥梗唔同ＤK2玩啦！
他知道他一位好朋友住在同一屋苑，上去探完朋友，決定留低痴餐，
叫我哋同細佬玩完後先去接他走．．．．

我們去接他走，大家唔捨得走，
袁樂天仲叫正佑係佢屋企瞓tim，
最後食完雪糕後，再玩多兩鋪遊戲先捨得走

2011年4月19日

朝早精神好

皓皓每朝早起床，都係笑咪咪的！

送他返學，更是四萬咁口，

講不停！

2011年4月18日

正人正事~四週年

四年啦．．
真係四年啦！

開始有點佩服自己的能耐．．．

竟然可以寫足四年！

是充滿感恩的四年，神的恩典處處可見。

2011年4月12日

日落前食海鮮

姑姐請食海鮮，日落前到達布袋澳，仲見到靚景！

危險動作．．．馬騮仲未識游水，希望今年可以學識啦！

而家大個咗，唔係咁鍾意影相，要氹架．．．

今次無食套餐，好味道！

多謝多謝！

學校好多功課要交家庭相．．．所以要影多Ｄ，影多Ｄ！

2011年4月11日

荃灣大會堂表演

之前皓皓被學校選了去參加音樂節歌唱比賽，經過幾個的訓練後，在三月頭出賽．很可惜我們不在港，不能帶他去比賽看他的演出，遂由爺爺嫲嫲陪他去，也不曉得他們有沒有得獎！

前陣子在出差期間，突然收到班主任程老師的電話，說他們得獎，被邀請去參加音樂會．．．聽到那刻，有點激動，立即通知黃生．

雖然不是甚麼大獎，又是團體演出，但也實在為他高興！