暢遊圖書館

下午帶兩隻馬騮去圖書館,是皓皓的第一次.細佬簡直是未到達,先興奮.由屋企去圖書館的路程只有10分鐘,他們卻走足20分鐘才到達!

皓皓一馬當先,帶領哥哥和姐姐去圖書館!
1嵗2個月的人仔已想獨立,極力"fing"開姐姐和哥哥的手!
點解要行20分鐘先到圖書館,咪多得皓皓成日走回頭路囉!仲要快到拉都拉唔住!
短短一段路程,細佬足足停低超過10次睇風景! 可能平日多數坐BB車,自己無得控制速度,今日終於可以做一隻甩繩馬騮!





我想皓皓以為自己去了遊樂場,不知道圖書館要保持安靜,穿梭於圖書櫃中興奮得跑跑跳跳!

對圖書一D興趣也沒有,只喺跑跑跑!!!
高高的圖書櫃對你來說是玩捉迷藏的好地方!!!
哥哥一到達,便熟悉地到圖書櫃揀書睇!你個樣好認真喎,哥哥!
難得的一刻,姑姐和皓皓坐低睇書,一分鐘咁多啦!
皓皓,這裡真的不是playground,喺圖書館嚟架!!

17年前

剛才收拾櫃桶時,發現一張很舊很舊的照片!

馬騮仔,認得17年前的爸爸媽媽嗎?











樣貌應該沒有太大轉變,只是多了幾條縐紋,增加了幾公斤肥肉,少了幾條頭髮(爸爸only),少了稚氣....希望再過17年,朋友們都依然認得我們!!

這是中三學期尾時影的相片,哈哈...還記得那是朋友大過天的時期,甚麼也是以朋友為先!!!

希望當你們到讀中學時,媽媽尚記得中學生的想法,知道如何和你們溝通!!!

開門送客

待人接物這種事情是可以模仿自學的?? 從沒有教皓皓如何送客,他竟然替我們送婆婆出門口,然後關門.

待婆婆出門口後,他才關上大門.
完成工作,細佬好開心喎!

















~~~~~~~~~~~~~~~~~~~~~~~~~~~~~~~~~~~~~~~~
哥哥好番啦!!

呢架pooh pooh車的音樂已失靈一段時間，大家都以為壞了.Leni姐姐換上電池後,發現架車原來重未壞架!!!
哥哥變成勁舞dancing king!!!
皓皓見到哥哥咁high,點可以企喺度唔郁.....
受哥哥感染,當然跳埋一份!!

生病症候群

一直以來,哥哥不算一個難湊的小朋友.最近幾天,不知是否生病的關係,常和皓皓爭媽媽抱,情緒有點起伏,令媽媽心裡面有點"火都嚟"之感!

話說昨天細佬午睡時被哥哥嘈醒,媽媽便抱著細佬讓他再睡,哥哥見到後又要痴住媽媽不放,然後放聲大哭;今時不同往日的皓皓被他嘈醒後,當然不會罷休,同樣放聲大哭,實行和哥哥一決高下.糾纏半小時後,兩隻馬騮才乖乖入睡!!

雖然日頭爭生爭死,但兩個都好像失憶的,夜晚又攬頭攬頸!
兩隻馬騮沒有隔夜仇!
回復平日的本性!











希望哥哥快D好番,生病症候群速速逃!!!

凌晨四點

又要扮醫生,幫爸爸診病!
連醫生的姿勢都學得一絲不苟,佩服佩服!
玩完醫生遊戲,到唱歌!媽媽最擔心他會嘈醒皓皓!
玩完唱歌,仲未停得,到玩細車排隊,要媽媽攞晒全屋企的細車出來!!大車無份!
正佑,玩夠未,喺玩夠爸爸媽媽未? 仲要玩Thomas砌路軌! 爸爸已經頂唔順,"lum"咗!!








各位觀眾,現在是凌晨四點,不要以為我們三個人一齊失眠. 唉..唉..其實又是一個半夜發燒的夜晚.哥哥已斷斷續續病了幾日,喉嚨發炎,咳和發燒.

2點半時,摸摸他的頭,好像火熨一樣,跟住是爸爸媽媽一連串熟悉的動作 - 退熱貼,食退燒藥,毛巾抹身,量髒溫,飲水....見他呆呆滯滯的,很是擔心!!

經驗所得(逼不得已累積的經驗),食完退燒藥後30分鐘便發揮效力,然後出汗,最後退燒. 果然不出所料,45分鐘後已完全退燒. 退燒後哥哥竟然精神翼翼,反應同講野都精靈無比,同45分鐘前簡直判若兩人,如果不是同他一齊,一定不相信眼前的景象,他就是9個字前還是情呆滯,全身滾熨的正佑嗎??

當我完成此日誌時,他們在玩泥膠! 今晚真是長夜漫漫! 不知哥哥玩到幾時才肯罷休???

無瑣事事

一個人無瑣事事的時候會做甚麼呢? 可能會睇電視,打機,傾電話,上網,瞓覺.....

皓皓無聊的時候.....好似一隻烏蠅仔在哥哥身邊轉來轉去.....

初時打算同哥哥一齊做功課...嗰樣仲好似好投入...
可能D功課太悶啦..頂唔順...鬆人....
圍住爸爸哥哥公轉...見到都鄧佢悶!
再次爬上梳化仔,重複一次剛才的動作....

夏日新髪型

兩隻都是超大汗的馬騮, 平日天氣稍為炎熱,他們一定會滿頭滿身大汗. 尤其是皓皓,頭髮會滴汗! 爸爸今日做了hair stylist 替他們設計新look!

不要以為這個動作很容易,哥哥有剪髪恐懼症,他從未試過到外面剪頭髪!
今日這個setting十足髪型屋一樣,而他又肯乖乖地坐定20分鐘, 對哥哥來說,是一大突破.看他痛苦的表情就知要帶他去髪型屋剪髪,我們還需努力!!
皓皓反而很享受爸爸幫他剪短頭髮!
仲識得望鏡頭tim!
頭髮短咗,點解皓皓好似肥咗,哥哥好似瘦咗???!!!

哥哥的第一堂彈琴訓練

葉氏夫婦昨晚探訪馬騮,帶來超香甜美味的士多啤梨作手信.媽媽回贈他們一本空運到港的"美味情人餐"及一頓嫲嫲親自下廚的豐富晚餐! 飯後是自由時間,哥哥上了他人生第一堂的鋼琴課,由專業鋼琴導師Titan姐姐親自教授. 聽聞哥哥記憶力還不錯,知道了甚麼是"2 black keys" (因媽媽是音樂白痴,不只音樂,對所有藝術都一竅不通,如寫錯了請見諒並糾正!)

顏色鮮艷的士多啤梨有皓皓嘅拳頭仔咁大!
葉太,相信你一定是一個出色的鋼琴老師; 葉生,你做助教都唔錯,可以考慮吓喎!!
開心,有時可以很簡單!












藝術這東西不知是天生還是後天培養的,但對爸爸媽媽來說已certified沒有這方面的天份了.至於哥哥和細佬,你們還是未知之數呢!

哈哈...媽媽有時都會幻想你們在彈琴,唱歌,畫畫,拉小提琴......
等我早D瞓,發個好夢先!!!

成長手印

正佑5個月大,我們已為他做了第一個腳印.當皓皓5個月大時,也想為他留一個腳印. 想了7個月,仍然處於想的階段,沒有付諸行動,腳印材料已經封塵了.嗱嗱嗱...誰說可以一視同仁....

爸爸昨日放假做了一件好事,令媽媽有一點釋懷! 他終於幫兩個小朋友做了一大一小的手印!

這個印模是年多前和可仁媽媽去荷花買的,我們到現在才用. 不知可仁是做了手印還是腳印呢?

體力消耗活動

兩隻馬騮有用不完的精力,今晚你們在家中幾百呎的範圍內不停跑跑跳跳,為了再消耗你們的體力,使你們可以早點睡覺及睡得更好,爸爸媽媽便帶你們去了過萬呎的超市跑個夠!

很喜歡這間百佳的走廊,設計得非常寬闊,兩兄弟可以盡情跑呀跑呀!!
跑到累了,蹲在地上休息一下!!
拿起甚麼都變成你們的玩具! 百佳的貨品夠你們玩幾十年喎!








對哥哥來說消耗體力這招很有效,十點半便要去自己的床仔睡覺(今晚成功了,哥哥不需要同媽媽一齊睡).

寫blog時是11點9,哥哥已在pluto的陪伴下睡著了
皓皓,點解半夜12點你仲眼仔碌碌嘅?

家有賣魚正

Thomas又嚟啦!

哥哥著了嫲嫲買的保護袍,姑姐買的水鞋,十足一個街市賣魚佬!!
他認為自己是廚師,在廚房門口同姑姐講"我幫手煮魚蛋!"
姑姐當然唔駛佢幫手,唯有幫忙派碗筷!!!

獨睡訓練

最近嘗試把兩馬騮放在同一間房睡覺,頭兩晚十分成功,兩人都沒有騷擾對方,一睡到天明！但昨晚失敗了.皓皓不知何故整晚睡得不好,常常"扎"醒;而哥哥初時也不願自己睡覺,要同媽媽一齊睡,在軟硬兼施下,終於睡著了.怎知半夜醒了,還差點弄醒皓皓!

結果是 - 媽媽只睡了2小時就要起身返工!　

還記得影這張相時,我是陰陰嘴笑的,以為成功在望嘛!

誰知道只開心了２日便出事！

破壞王

自皓皓識爬開始,我們已知他是一個坐唔定的小朋友;到他識行路後,更加表露了他是一個超"活潑"的細佬!哥哥對他實在又愛又恨,他很喜歡和細佬一齊玩,一齊大叫,一齊跳!!但當哥哥想一個人玩遊戲或做功課時,總是被細佬騷擾他的私人空間!

在媽媽的協助下,哥哥自製了一條保齡球道.看他凌厲專注的眼神,便知哥哥玩遊戲的投入程度!
好在媽媽揀了一個大橙當保齡球,全中當然無問題啦!
皓皓嚟踩場,不理三七廿一,未得哥哥同意便攞起保齡樽來玩!

然後,又喺哥哥同細佬講道理的時間!

哥哥做功課,細佬又要霸一個位;剛開始時,細佬很乖很安靜地睇書!
無幾耐,坐唔定啦,隻腳仔開始唔聽話!
最後還不理別人感受,不尊重正在做功課的哥哥,爬上檯玩!!