正人正事: 08

2008年4月30日

交通督導員

通常不用返工的日子，我和爸爸會待馬騮食過晚飯後，我倆才施施然出街食一頓"晚"飯．有一晚我們落街不久，爸爸突然收到一個來電，爸爸立即把電話遞給我，

我：喂，邊位？
電話：媽媽，你點解紅燈過馬路嘅？
我：哦，你係正佑啊，你見到我紅燈過馬路咩？
正佑：係啊，我係個窗度見到你同爸爸紅燈過馬路喎！
我：．．．．（語塞中）
正佑：你隻眼睇唔到啊？
我：Sorry呀正佑！我下次會等綠燈先過架嘞！
正佑：咁你記住啦媽媽，好危險架！
我：知道正佑，唔該晒！

哈哈．．．原來媽媽不是第一個給正佑捉到紅燈過馬路的人，第一個係爺爺．．．嘩哈哈，爺爺也是即時收到”溫馨提示”電話！

我們家的窗可以望到樓下的紅綠燈，連嫲嫲也笑說下次想衝紅燈時，首先望望有沒有車，再看看我家的窗有無督導員才敢過馬路！

小朋友真是天真可愛，我們倒有點慚愧，懂得教他們道理，但自己竟然明知故犯！

身教真的非常重要！

2008年4月29日

合力砌書檯

現在馬騮用來食飯和做功課的膠檯仔因為檯面不平，必須放一塊墊才能寫字畫畫；再加上膠檯太輕，兩兄弟一齊畫畫時會把檯推來推去，所以決定換一張較重的書檯仔！

星期天下午多得紀氏一家三口陪我們一家四口逛宜家！

回到家各人午睡過後，要開工了！大家化身Bob the Builder，不過不是起屋，而是砌檯！

有時睇適量的卡通片也有好處，至少細佬知道螺絲批係用來上螺絲！

好專業的眼神啊，哥哥！

爸爸突然升格變成黃師傅，仲有兩個”學徒”幫手！

砌完檯後，細佬的耐力已用完，走了去玩泥膠！哥哥繼續努力 -- 砌椅！

正佑今次好抵讚，完成後還幫忙抹乾淨椅子！　俾兩個”叻叻”你！！

大功告成！！　Thank You!

2008年4月28日

花瞼貓

上了幾堂志安哥哥的唱遊班,兩兄弟已適應了上堂的模式.哥哥不再害怕了,而細佬簡直一開始已愛上了志安哥哥...的歌曲,隨時隨地可以哼出每首歌的旋律...連志安哥哥也說細佬的音很準呢!

(他們每次總會霸佔前排位置)

上星期六攪攪新意思,幫小朋友畫大花臉,原來有很多小朋友怕怕,不敢畫.最後只有兩隻馬騮走出去畫花臉貓!

媽媽在想可能他們一個人時就未必有勇氣嘗試,而這次有膽量走出去相信是互相壯膽,有人陪伴的效應吧!

(志安哥哥和倩茹姐姐攬住馬騮合照)

希望你們以後也是這樣,當一個欠缺膽量時,另一個在旁推一推加點力,去冒冒險嘗試新事物!

2008年4月27日

3 GAP's

今日返到教會見到勤哥哥同兩兄弟著住一樣但不同顏色的T恤，既然大家都咁有Taste，影張相留念先！馬騮，人哋勤勤哥哥咁俾面坐低，點解你哋咁唔專心架．．．？

崇拜後，例必玩到唔願走的正佑，見到祈禧姐姐有义燒飯食，便大膽又驚青地問晶叔叔可唔可以分Ｄ來食？哈．．傻豬，睇住你爸爸媽媽大的晶叔叔點會唔分Ｄ俾你食啊！！（可憐晶叔最後分到自己無晒义燒，得番白飯．．．真係唔話得嘞！）

2008年4月26日

另類玩意．．．

幸好兩兄弟有大家互相作伴，爭爭打打很快便過一天，他們的玩意簡直是日日新鮮．．．

今晚的遊戲．．．登．登．登．．係玩”咩”仔．．”咩”公仔．．夠無聊吧！

細佬”咩”住他的好朋友-Lion！　哥哥”咩”住他的甩頭Pluto！(一定要攬住好朋友才能入睡！）如果各位在市面上見到這兩隻動物，請幫忙買下；我已尋遍港九新界，也找不到這兩隻絕版朋友．．．
呵呵．．這個玩意比玩甚麼玩具也來得開心．．．以後不用買玩具給他們了！
”咩”仔玩意的元兇原來係婆婆．．．

2008年4月22日

正佑的新歌

最近，正佑的學校教了一首歌，他不時自己哼出來；老師還叫家長和小朋友一齊設計一些動作配合歌曲，下個月在學校表演！

今晚特地在網上找到了這首歌（正佑唱的是簡短版本）；當歌曲播出來時，兩隻正在玩泥膠的馬騮一聽到音樂，即刻一齊望過來．哥哥陰陰嘴笑，細佬興奮大笑，媽媽就覺得他們好攪笑！

有興趣的朋友可以Click右面的button來聽聽!

2008年4月21日

一齊刷牙

要多得上學期學校舉辦的"愛牙運動"，令本來不喜歡刷牙的正正，懂得自動自覺刷完牙才上床睡覺！

連細佬也受感染，以為刷牙是一種遊戲！

每晚一聽到"刷牙啦"，即刻擔定櫈仔，去厠所預備"玩水"！

識"Boo"水的哥哥係細佬面show off噴水花的技倆，每噴一次細佬就笑到"格格"聲．．．

2008年4月19日

親子假期大發現

星期五，雖然爸爸放假，但他過了一天忙碌的親子假期。一早已答應出席正正學校的家長講故事活動，而剛替皓皓報名的唱遊班也是逢星期五上午進行,爸爸當然是陪上堂的必然人選！

第一堂，由嫲嫲爸爸和哥哥陪同細佬一齊參加；

不過下一次哥哥只能在外面的圖書閣等細佬放學了！

聽聞細佬不需warm up就能投入，沒有甚麼怕"生步"的情況!

而這個班也是偶然發現，原來在屋企附近的青少年中心有２嵗的音樂班,而且價錢非常相宜,又不用搭車，就讓他在正式返學前打發一下無聊的時間!

十分幸運地媽媽工作的公司今年繼續有Happy Friday!和爸爸食完午飯後便去正正學校!

爸爸好緊張,之前好努力練習了好幾次,哈哈!

看小朋友的反應想像到這是一個吸引還是沉悶的故事嗎??

還以為講完故事就走，原來老師可以讓我們在班房裡幫忙，直至放學．．．

現在是塗鴉時間．．．

茶點時間　－　見到全部小朋友熟練地自己拿出食物盒，水杯，毛巾仔，祈禱，叫人食茶點．．．好好笑！我和爸爸笑說原來我們個仔咁獨立，咁識照顧自己．．．

放學了，正正自己拿起外套穿上，自己扣紐！不禁問爸爸”咁叻仔嗰個，邊位嚟架？”

最後自己背上書包．．．

突然覺得好像忽略了其實小朋友已懂得很多事情，而不應一廂情願地覺得他甚麼也不懂！

2008年4月18日

一週年

今日絕對值得記念！

我竟然可以維持寫ＢＬＯＧ一年，共寫了２２６篇網誌，絕對是人生其中一個重要的記錄！

原來兩隻馬騮仔的推動力如此大！

在這一年中，提得最多的一句說話是”時間過得好快”！

今日，更加感受到時間不留人，要好好過每一天哦！

2008年4月17日

飯tastic Morning!

睡了超過十小時的正佑六點半已起床，他竟然不騷擾未醒的我，自己走出廳睇電視！他這麼體貼，我也不好意思繼續睡，便問他有沒有興趣一齊食早餐！”好哇！”答得很爽快；便把爸爸也一齊拉起床！

都變成日本人了，我們食的是一個早飯啊！

現在很難再叫他正正經經坐定定影相了！
總是古靈精怪的！

每日一奶茶乃媽媽指定動作，哥哥最鍾意幫我加糖！

爸爸真的好好好忙啊，連食早飯也開電腦來check email,workaholic 算不算一種病態呢？

不過有正佑在，你的工作大計總會被人打斷，因為阿仔要睇相．．．

時間差不多，做完運動的爺爺來接哥哥回家了！爸媽也要返工啦！
　An absolutely fantastic morning!

2008年4月16日

很久不見.....公公！

公公大部份時間在內地，和馬騮見面的機會很少。正佑好一點，至少認得公公；至於皓皓嘛，和公公見面的時間真是五隻手指都數得齊架！

也得多謝新科技，自從公公看了馬騮的Yahoo blog後，知道多了他們的近況，猶如每日見到他們一樣，嘻嘻！

昨晚公公回港，當然要約食飯見見面。雖然見面不多，不過當公公兩隻手抱起兩隻馬騮時，倒沒有怕生的表現！皓皓還表現出得得戚戚的表情！

這是一張難得的合照呢！

今次好齊人，連舅舅都喺度！

食完飽飽，拜拜姨姨！

落到樓下，竟然大街大巷玩推火車？

難得有人陪你哋一齊癲！哈哈！

2008年4月13日

回家路好遠．．．

昨晚外出尖東食飯，發覺細佬的定力比幾個月好了；曾經有一段時間簡直怕了帶他出外食飯，因他總是坐不定在位，如甩繩馬騮四處跑，總之就不能安坐在座位上！

這晚他可以坐了差不多一小時，才叫我們出去玩！過了兩嵗生日，果然是有點分別！

飯後，到了海傍睇夜景；然後爸爸提議行回家．．．是由尖東行返去紅磡．．．我也不知當時點解接受他的建議！　行了一段路，兩隻馬騮叫攰，要抱．．！唉．．不能返轉頭了，在天橋上又無的士．．．唯有繼續抱著行！！！　直至去到服務式住宅才打的回府．．．

　經過今次後，發覺有些活動現在還不是適當時候進行．．．例如行山！　

2008年4月11日

一天．．．過得好快！

今日請了一天假”看”馬騮，因為嫲嫲有老朋友由外國回港，他們約好一齊去旅行！

早上，兩兄弟八點便起床，很早啊！媽媽請他們出去廳自己玩，好讓我多睡一會兒．．．雖然他們嘈吵得很，但我也直至十點才起床，太滿足了！之後幫馬騮洗白白，哥哥做做功課，再玩一陣玩具，食完提早的午飯！十二時，是時候哥哥換校服準備返學了；十二點十五分，和細佬一齊去送正佑哥哥上學！

穿起校服，背起書包的正佑蠻神氣的！細佬，很快也輪到你背起書包上學去，不用心急，再等多幾個月吧！

校車到了，和我們揮手說拜拜，開開心心上學去！

送完哥哥返學，帶了皓皓去剪頭髮；在糖糖的引誘下，今次比上次有進步，只是尾段因為頭髮碎令皮膚不舒服大哭起來！

因為細佬不肯綁上圍巾，有太多髪碎落在身上，要立即回家再洗白白；抱著皓皓的媽媽也是滿身滿瞼的髪碎！

之後是皓皓午睡時間，媽媽要去嘆下午茶了！不不不是，應該是早餐＋午餐＋下午茶！Fany姨姨特地抽空陪媽媽吹水，一吹便兩個多小時，我們好像有講不完的話題啦！四點鐘了，去附近的中心替皓皓報名上唱遊班！

然後去吉之島買了晚餐的材料，嘩！已是四點四十五分！不得了，哥哥校車還有五分鐘就到達，簡直是極速跑去接哥哥放學，不能遲到啊！

哥哥的校車十分準時到達！